*मी उद्योजक होणार*

 

शिरसाटवाडी अष्टभैरवनाथ यात्रा-उत्सव...  पाथर्डी | शिरसाटवाडी   : पाथर्डी तालुक्यातील शिरसाटवाडी येथील अष्ट भैरवनाथाच्या  यात्रेस (हनुमान उस्तव) पासून प्रारंभ होत आहे.  यात्रा 3 दिवस असते. यात्रेसाठी विविध जिल्ह्यातून आणि जिल्ह्याबाहेर नोकरी, उद्योग - व्यवसायासाठी  गेलेले सर्व भाविक “चैत्र पौराणिमा हनुमान उत्सव” अष्ट भैरवनाथाच्या दर्शनास  शिरसाटवाडी येथे येतात.  आधल्या दिवसी सायंकाळी  ५ वा.  पाथर्डी मध्ये  श्री. क्षेत्र पैठण येथून पायी चालत आलेल्या कावडींची पूजा करून  भव्य मिरवणूक काढली जाते. चैत्र पौराणिमाच्या दिवसी सकाळी ९ वा. शिरसाटवाडी गावामध्ये कावडींची पारम  परीक वाद्य वाजवून मिरवणूक गावातून फिरवली जाते  ११ वा. अष्ट भैरवनाथांना जलअभिषेक घातला जातो. गावातील वरिष्ठ नागरिक पेढा नारळाची कावडी धारकांना शेरनी वाटप करतात.  तर काही कुठंब कावडी धारकांना गोड-धड जेवण देतात.  रात्री ९ वा.   अष्ट भैरवनाथाच्या  छबिण्याची मिरवणूक काढली जाते. मिरवणूकी  समोर शोभेची दारू उडवली जाते.  त्यासोबत विविध तोफांचे आवाज केले जातात. (उडवल्या जातात) गावातील सर्व ग्रामस्थांच्या करमणूकीसाठी  विविध कार्यक्रमाचे आयोजन केले जाते.

      दुसऱ्या दिवशी सकाळी तालुक्यातील व जिल्ह्यातून आलेले विविध कलाकार आपली पारंपारिक कला सादर करून ग्रामस्थांची मन जिंकतात त्यामध्ये (त्या कार्यक्रमास हजरी कार्यक्रम म्हणतात )  कलाकारांनी आपली पारंपारिक कला सदर केल्यास त्या कलेला प्रेरणा देण्यासाठी गावकरी कलाकारांचा सत्कार करून त्यांना विशिष्ट रक्कम  बक्षीस दिले जाते.  दुपारी तीन ते पाच राज्यातून नामांकित पैलवान शिरसाटवाडी गावामध्ये येतात मोठा जंगी ह्गाम्याचे आयोजन केले जाते.  विविध ठिकाणाहून आलेले मल्ल आपल्या कसरतीचे उपस्थित ग्रामस्थांच्या समोर सादरीकरण करत असतात विजयी मल्लांना ग्रामस्थ शंभर रुपये ते  दहा हजार रुपयापर्यंत बक्षीस स्वरूपात रक्कम वाटप केली जाते.   या तीन दिवशीय यात्रा उत्सव कार्यक्रमांमध्ये विविध क्षेत्रांमध्ये नोकरी करत असणारे विविध ठिकाणी स्थापित केलेले उद्योगाचे उद्योजक, नोकरदार वर्ग, उच्च शिक्षणासाठी गेलेले युवक युवती, सर्व आपल्या गावामध्ये येऊन जेष्ठ नागरिकास आपल्या मित्र परिवारास व आपल्या भावकीतील सर्व सदस्याना खुशाल्कीचा संदेश देत हितगुंज करून आपुलकीने एकमेकांची विचारपूस करून एक बंधुभाव जोपासला   जातो. शिरसाटवाडी गावामध्ये एक आपुलकीचं नात उपून ठेवतात.

      मी शिरसाटवाडी गावचा भूमी पुत्र नागरिक आहे. त्याचा मला सार्थक अभिमान आहे.  शिरसाटवाडी गावातील सुपुत्र  उद्योजक तसेच शासकीय व  निमशासकीय  अधिकारी पदाधिकारी  उच्च पदावर  कार्यरत आहे.  विविध क्षेत्रांमध्ये उच्च पदावर अधिकारी आहेत.  त्यामध्ये इंडियन आर्मी,  महाराष्ट्र पोलीस, जिल्हा परिषद शिक्षक, माध्यमिक  शिक्षक,  महाविद्यालयात प्राध्यापक,  वीज महामंडळ, एसटी महामंडळ, केंद्र व राज्य शासनाचे बीज भांडवल महामंडळ, कलेक्टर ऑफिस, जिल्हा परिषद ऑफिस,  महाराष्ट्र शासन मंत्रालय. अशा विविध क्षेत्रांमध्ये शिरसाटवाडी गावचे सुपुत्र  देश सेवा करत आहेत.

प्रा. अजय बबनराव कोंगे