उद्योजकतेला भरारी द्या – नोकरी शोधणारे नव्हे, नोकरी देणारे हात व्हा! प्रा. अजय बी. कोंगे
उद्योजकतेला भरारी द्या – नोकरी शोधणारे नव्हे, नोकरी देणारे हात व्हा! प्रा. अजय बी. कोंगे
कोल्हापूर : सध्या तरुणाई मोठ्या प्रमाणावर नोकरीच्या शोधात असते, मात्र उद्योजकतेला चालना देणे ही काळाची गरज आहे. "नोकरी शोधणारे नव्हे, नोकरी देणारे हात व्हा" हा संदेश देत प्रा. अजय बी. कोंगे यांनी युवकांना उद्योगक्षेत्रात उतरण्याचे आवाहन केले आहे.
आजच्या स्पर्धात्मक युगात केवळ नोकरी मिळवण्यावर भर न देता स्वतःचा व्यवसाय उभा करण्यावर लक्ष केंद्रित करणे गरजेचे आहे. नवउद्योजकांसाठी सरकारी योजना, स्टार्टअप धोरणे आणि मार्गदर्शन उपलब्ध आहे. इच्छाशक्ती, जिद्द आणि मेहनत या त्रिसूत्रीच्या जोरावर कोणताही तरुण उद्योजक बनू शकतो.
प्रा. कोंगे म्हणाले की, "तरुणांनी आपल्या कौशल्याचा योग्य वापर करून स्वतःचा व्यवसाय सुरू करावा. आजच्या काळात माहिती तंत्रज्ञान, कृषी प्रक्रिया उद्योग, ई-कॉमर्स, सेवा क्षेत्र आदींमध्ये प्रचंड संधी आहेत. नवीन कल्पना आणि तंत्रज्ञानाचा उपयोग करून नवउद्योजक भरारी घेऊ शकतात."
केंद्र व राज्य सरकारच्या 'स्टार्टअप इंडिया', 'मुद्रा योजना', 'स्टँडअप इंडिया' अशा विविध योजनांचा लाभ घेत युवकांनी स्वतःचा व्यवसाय सुरू करून रोजगार निर्मिती करावी, असे आवाहन त्यांनी केले.
उद्योजकतेला चालना देऊन नवभारत घडवूया!
